كان نفسى ابقى ليك

كان نفسى ابقى ليك
لاخر العمر ليك
وفى جرحك انا اللى اداويك
وانا اللى افرح حزنك
نصيبى وغصب عنى
انك ماتكنش جنبى
بس هفضل لاخر عمرى
هكون لسه بحبك
انا عشان ابقى حبيبك
لازم احاول اسيبك
عشان تعيش حياتك
وانا مش جنب منك
مش هرضى انى ابقى انانى
واظلمك معايا فى زمانى
لا... هابعد عشان تنسانى
بس غصب عنى هبقى سيبتك
اهون عليا الموت
ولا ان عمرى يفوت
وانت مش معايا
وحضنى مش فى حضنك
ماكنتش اعرف ايه الحب
عرفت معاك اجمل حب
حرام تسبنى يااطيب قلب
وحرام يفارقنى قلبك
انا السبب فى دموعك
وانا اللى طفيت شموعك
بس الدنيا وهمتنى بحب
اتخدعت فيه زى زيك
هارضى بظلم الزمن
وادفع انا التمن
عارف ياحبيبى ليه
عشان بحبك