شوفو الابن عمل ايه فى ابوة

الاب كان مسافر ولما رجع ولقى ابنه فى المطار مستنيه
الاب:ايه احوال البيت وانا مش موجود ؟حصل حاجه وحشه ؟
الابن:كل حاجه ميه ميه يا بابا ...ما تقلقش خالص بس حصل حاجه بسيطه خالص
الاب:ايه اللى حصل ؟
الابن:عصايه المكنسه اتكسرت.
الاب: بس كدة ولا يهمك ..بس ايه اللى كسرها ؟
الابن انت عارف ان البقرة لو وقعت على حاجه تكسرها
الاب:انت تقصد بقرتنا؟
الابن:اة
الاب:ايه اللى حصل؟
الابن :كانت بتهرب وهى خايفه فوقعت على عصايه المكنسه فكسرتها
الاب: المهم البقرة حصلها حاجه؟
الابن:لا مفيش حاجه ...بس ماتت
الاب:يا لهووووووى ماتت ...وهى كانت بتجرى خايفه من ايه ؟
الابن:من الحريقه
الاب:حريقه ...حريقه ايه ؟
الابن:لا مفيش اصل بيتنا اتحرق
الاب:اتحرق يا لهوووى من ايه ؟
الابن:اخويا الكبير الله يرحمه
الاب: ايه اخوك مات ازاى ؟؟؟
الابن:ايوة مات كان بيشرب سجاير وقعت وحرقت البيت وهو جواة فمات
الاب:يالهوى ...اخوك كان بيشرب سجاير ؟
الابن :هو كان بيشرب سيجارة علشان ينسى حزنه
الاب:حزنه على ايه ؟؟؟
الابن:على امى الله يرحمها
الاب :هى امك ماتت ؟؟؟؟؟
فراح الاب مات من غباء ابنه
الابن:بابا بابا ماتعملش فى نفسك كدة يا بابا فداك الف مكنسه يا حبيبى

هههههههههههههههههههه
كويس ان الابن لسه عايش