الحروف الجديده فى اللغه العربيه

الكـــــــــــــــــــــــــــلام




فى ناس كتيره اوى بتتكلم كلام غلط وماتفهمش الناس دى عارفه انهم بيتكلمو غلط ولا مش واخدين بالهم زى مثلا :_
1- فلان ده بيشتغل دى جى ... ويجى يقولك : اه انت بئى بتعزف ايه على الدى جى
لا مش كده وبس ده عنده اعتقاد انه بيقف على الدى جى
يعنى فى مصر اللى بيشتغل دى جى بيقف على الدى جى

وسمعنى سلام ماما زمانها جايه


2- فلانه الفلانيه بتشتغل مودلز ... يعنى السلسله على الاشترتش وبكده تبئى مودلز...

3- بتلعب جيم؟ ... البنج عندك عالى يا وحش ومافيش اصلا عضله اسمها بنج ... benj..

الناس بقت تتكلم بالاحساس خلاص يعنى مش لازم تبئى بتقول الكلمه صح علشان الناس تفهمك ... لالالالالالا ,

لازم تكون حاسها جامد علشان يفهموك دلوقتى فى مصر لازم تحسس اللى قدامك بالكلام...

من كتر الناس مابقت تتكلم بظرميط - لامؤاخذه يعنى - فى ناس اخترعت حروف جديده يا جدعان زى
حرف الاست .... استهيألى , استغطى , اسطبر عليا بس استعشى شندوشتات..




وكله كوم وحرف التش ده كوم تانى


يبئى معاكى التشيليفون والمفاتشيح ( التليفون والمفاتيح يعنى ) واكلم مدتشيحه يرد عليا حمدتشى ( مديحه وحمدى )
وماتنساش .. تسلملى على اختشى وخالتشى ومامتشى واعى اى حد يدخل اوضتشى ( غرفتى .. الله يرحمك يا لغه يا عربيه )